अवडिभका सहर रूसले नियन्त्रण लिए पछि युक्रेनले फिर्ता गर्‍यो सेना

काठमाडौं । युक्रेन र रुसबीच युद्ध जारी छ । मे २०२३ मा युक्रेनको बाख्मुत सहर कब्जा गरेपछि रुसले करिब ९ महिनापछि ठूलो सफलता हात पारेको छ । रुसले युक्रेनको अवडिभका सहरमाथि पूर्ण नियन्त्रण लिएको छ । मस्कोले सबैभन्दा ठूलो युद्धपछि पनि केही युक्रेनी सैनिक सोभियत युगको कोक प्लान्टमा लुकेर बसेको दाबी गरेको छ ।

समाचार अनुसार करिब दुई वर्षअघि रुसी राष्ट्रपति भ्लादिमिर पुटिनले युक्रेनमाथि आक्रमणको आदेश दिएका थिए । उक्त आदेशपछि रुस र युक्रेनबीच युद्ध जारी छ । यस युद्धमा रुसले गत वर्ष बखमुट सहर जितेको थियो । यसपछि अवडिभका सहरमा उनको पूर्ण नियन्त्रणलाई उनको ठूलो जितका रूपमा हेरिएको छ ।
 
रुसको रक्षा मन्त्रालयले दावी गरेको छ कि यसका सेनाले आफ्नो १,००० किमी (६२० माइल) फ्रन्ट लाइनमा करिब ८.६ किलोमिटर (५.३ माइल) अगाडि बढेको छ। यस भीषण लडाईमा रुसी सिपाहीहरू अगाडि बढिरहेका छन, जसका कारण सम्पूर्ण सहर नियन्त्रणमा लिइएको छ ।

अर्कोतर्फ, युक्रेनले महिनौंसम्मको भीषण लडाइपछि अब आफ्नो सेनालाई घेरेको अवस्थामा बचाउनका लागि फिर्ता बोलाएको दाबी गरेको छ । यसैबीच, रुसी राष्ट्रपति पुटिनले अवदेवकाको जितमा आफ्ना सैनिकहरूलाई बधाई दिएका छन्। उनले अवडिभकामाथि रसियाको पूर्ण नियन्त्रणलाई ठूलो विजयको रूपमा वर्णन गरेका छन् ।