रेखासँग जम्काभेट भएपछि बाबुरामले भने ‘नलाऊ माया दुई तिर...’
Admin@Thirdpole 
त्रिभुवन अन्तर्राष्ट्रिय विमानस्थलमा नेकपा माओवादी केन्द्रका नेता वर्षमान पुनसँग सो पार्टीका पूर्व नेता डा. बाबुराम भट्टराई र रेखा थापाको जम्काभेट भएको छ । एकताका पार्टीमा सँगै रहेका तीन नेताको विमानस्थलमा जम्काभेट भएको हो ।
त्यसक्रममा पूर्वप्रधानमन्त्री समेत रहेका भट्टराईले ‘नलाऊ माया दुईतिर.....’ भनेर गीत गाउनेहरू तीनतिर पो भइयो भनेर ठट्टा गरेपछि उनीहरुबीच केहीबेर हाँसो चलेको थियो । पार्टी कार्यक्रमका लागि विभिन्न जिल्ला जान लागेका उनीहरुबीच एयरपोर्टमा जम्काभेट भएपछि डा.भट्टराईले तीन जनाको तस्विर समाजिक सञ्जालमा पोष्ट गर्दै भनेका छन् ।
‘नलाऊ माया दुईतिर.....’ भनेर गीत गाउनेहरू तीनतिर पो भइयो भन्ने हाँसो पनि चल्यो !’ डा.भट्टराई अहिले जसपामा छन् भने थापा राप्रपामा छन् । वर्षमान भने माओवादीमै रहेका छन् ।
