१ सय ३३ जना सवार रहेको विमान दुर्घटनाग्रस्त
Admin@Thirdpole 
चीनमा एक सय ३३ जना यात्रु बोकेको हवाईजहाज दुर्घटनामा परेको छ। चीनको कुन्मिङबाट ग्वान्झावका लागि सोमबार दिउँसो १:१५ बजे उडेको उक्त विमान बुझो सहरको ग्रामिण क्षेत्रमा दुर्घटना भएको ग्लोबल टाइम्सले जनाएको छ।
१३३ जना सवार रहेको उक्त विमान ३:७ बजे ग्वान्झावमा अवतरण गर्ने तालिका रहेको सीसीटीभीलाई उद्धृत गर्दै ग्लोबल टाइम्सले जनाएको छ। सिन्ह्वाका अनुसार उद्धार टोली दुर्घटनास्थलमा परिचालन गरिएको छ। उक्त विमानमा १२ बिजनेश क्लाससहित १६२ सिट रहेको बताइएको छ।
दुर्घटनापछि विमानमा आगलागी भएको छ । दुर्घटनामा अहिलेसम्म कति जनाको मृत्यु भयो भन्ने खुलेको छैन ।
