ओली र चिनियाँ विदेशमन्त्री वाङबीच भेटवार्ता, के भयो कुराकानी ?
Admin@Thirdpole 
नेपाल भ्रमणमा रहेका चिनियाँ विदेशमन्त्री वाङ यी र नेकपा एमालेका अध्यक्ष केपी शर्मा ओलीबीच भेटवार्ता भएको छ। विदेशमन्त्री वाङ यीलाई भेट्न अध्यक्ष ओली नक्सालस्थित होटल मेरियट पुगेका हुन्। छलफलमा एमालेबाट उपाध्यक्ष ईश्वर पोखरेल,महासचिव शंकर पौडेललगायत नेताहरुको उपस्थित छ।
यसअघि विदेशमन्त्री वाङ र राष्ट्रपति विद्यादेवी भण्डारीसँग शिष्टाचार भेटवार्ता भएको थियो। राष्ट्रपति भण्डारीलाई भेट्न विदेशमन्त्री वाङ आइतबार बिहान शीतल निवास पुगेका थिए। भेटका क्रममा नेपाल (चीन सम्बन्ध र बीआरआईअन्तर्गतका परियोजनाबारे छलफल भएको छ।
ओलीसँगको भेटलगत्तै विदेशमन्त्री वाङ र माओवादी अध्यक्ष पुष्पकमल दाहाल प्रचण्डबीच भेटवार्ता हुँदैछ। विदेशमन्त्री वाङले शनिबार प्रधानमन्त्री निवास बालुवाटार पुगेर प्रधानमन्त्री शेरबहादुर देउवासँग द्विपक्षीय छलफल गरेका थिए ।
तीन दिने नेपाल भ्रमणका लागि चैत ११ गते काठमाडौं आएका वाङ यी आजै स्वदेश फर्किंदैछन् ।
