तेस्रो त्रैमासिक अवधि: वाणिज्य बैंकहरुको प्रतिसेयर आम्दानी कसको कति ?
थर्ड पोल
काठमाडौं । चालु आर्थिक वर्ष २०८१-८२ को तेस्रो त्रैमासिक अवधिसम्म वाणिज्य बैंकहरूको औसत प्रतिसेयर आम्दानी १४ पैयाँ २७ पैसा पुगेको छ । २० वटा वाणिज्य बैंकमध्ये १० वटा बैंकको बढेको छ भने बाँकी १० वटाको घटेको छ ।
चैतसम्म सबैभन्दा बढी ईपीएस एभरेष्ट बैंकको रहेको छ भने सबैभन्दा कम ईपीएस एनआईसी एशिया बैंकको देखिएको छ । एभरेष्ट बैंकको ईपीएस ६ रुपैयाँ ६ पैसाले बढेर ३५ रुपैयाँ ६१ पैसा पुगेको छ भने एनआईसी एशिया बैंकको ईपीएस१५ रुपैयाँ ८८ पैसाले घटेर १ रुपैयाँ ४१ पैसामा सीमित भएको छ ।
त्यसैगरी नबिल बैंक, ग्लोबल आइएमई, नेपाल इन्भेष्टमेन्ट मेगा, एनएमबि, प्रभु, सानिमा, नेपाल एसबिआई, माछापुच्छ्रे, र नेपाल बैंकहरूको ईपीएस पनि वृद्धि भएको छ ।
नेपाल बैंकको ईपीएस २४ रुपैयाँ ८ पैसाले बढेर २५ रुपैयाँ २६ पैसा पुगेको छ । यस्तै स्ट्याण्डर्ड चार्टर्ड, हिमालयन, लक्ष्मी सनराइज, कृषि विकास, राष्ट्रिय वाणिज्य, सिटिजन्स, सिद्धार्थ र कुमारी बैंकको ईपीएस घटेको छ ।
