लोकन्थलीमा शववाहनसँग ठोक्किएर मोटरसाइकल जल्यो
Admin@Thirdpole 
भक्तपुरको लोकन्थलीमा शववाहन र मोटरसाइकल ठोक्किएर भएको दुर्घटनामा एक जना घाइते भएका छन् । मोटरसाइकलमा आगो लागेको छ ।
दुर्घटनामा घाइते भएका मोटरसाइकल चालकको समिट अस्पतालमा उपचार भइरहेको प्रहरीले जनाएको छ । उनको परिचय खुलेको छैन ।
सिन्धुपाल्चोकबाट शव लिएर पशुपतिस्थित आर्यघाट आउँदै गरेको प्रदेश ३–०१ ०२३ च २३५६ नम्बरको शववाहन र विपरीत दिशामा रहेको बा ५२ प ५३८५ नम्बरको मोटरसाइकल आज बिहान करिब साढे ९ बजेतिर ठोक्किएका थिए ।
आगोमा जलेर मोटरसाइकलमा पूर्णरुपमा क्षति पुगेको छ
