नेप्से ६.५१ अंकले बढ्यो, ५ अर्ब ६३ करोडको कारोबार
थर्ड पोल
काठमाडौं । सेयर बजारमा आज मंगलबार सामान्य सुधार देखिएको छ । मंगलबार नेप्से परिसूचक ६.५१ अंकले बढेर २७७६.९० को बिन्दुमा कायम भएको छ ।
आज ३१६ कम्पनीको १ करोड ३१ लाख २४ हजार कित्ता सेयर किनबेच हुँदा ५ अर्ब ६३ करोडको कारोबार भएको हो ।
त्यस्तै, आज होटल्स तथा टुरिज्मबाहेकका सबै इन्डेक्सहरुमा सामान्य बृद्धि भएको छ । बैंकिङ इन्डेक्स ०.५७ प्रतिशत, लाइफ इन्स्योरेन्स ०.२७ प्रतिशत, म्यानुफाक्चरीङ इन्डेक्स ०.५२ प्रतिशतले बृद्धि भएका छन् । मंगलबार कुल कारोबार भएका कम्पनीहरुमध्ये १४२ वटाको सेयरमूल्य बढेको छ ।
आज सबैभन्दा धेरै सान्भी इनर्जीका लगानीकर्ताले कमाएका छन् । आज यस कम्पनकिा लगानी कर्ताले ६.९८ प्रतिशतका दरले कमाएका छन् । पियोर इनर्जीका लगानीकर्ताले ६.०९ प्रतिशतका दरले कमाएका छन् ।
स्र्टन हाइड्रोपावरका लगानीकर्ताले ४.५८ प्रतिशतका दरले कमाएका छन् । सबैभन्दा धेरै नारायणी डेभलपमेन्ट बैंकका लगानीकर्ताले गुमाएका छन् । आज यस कम्पनीका लगानकिर्ताले ६.१४ प्रतिशतका दरले गुमाएका हुन् ।
