पोखरामा टिपर चालकलाई कुटपिट गर्ने मोटरसाइकल चालक पक्राउ
Admin@Thirdpole 
कास्कीमा दुर्घटना भएपछि कुटपिट गरेको आरोपमा एक जना पक्राउ परेका छन्। पोखरा महानगरपालिका वडा नम्बर ५ फिर्के पुलमा रहेको पोखरा बाग्लुङ सडक खण्डमा वैशाख १० गते मोटरसाइकल र टिपर ठोक्किएर दुर्घटना भएको थियो ।
मोटरसाइकल र टिपर ठोक्किएपछि मोटरसाइकल चालकले टिपर चालकलाई कुटपिट गरेका हुन् । प्रहरीले मोटरसाइकल चालक म्याग्दी घर भइ अहिले कास्की पोखरा महानगरपालिका-१९ लामाचौर बस्दै आएका ४३ वर्षीय मिनबहादुर मगरलाई नियन्त्रणमा लिएको कास्की प्रहरी प्रवक्ता डीएसपी सुन्दर तिवारीले जानकारी दिए ।
