पहिलेजस्तै विचारलाई निषेध गरिए देशमा अर्को ‘जनयुद्ध’ सुरु हुँन्छ : सांसद सिंह
थर्ड पोल
0
काठमाडौं, १४ जेठ । देशमा अर्को ‘जनयुद्ध’ लाई निम्ता नदिन स्वतन्त्र सांसद अमरेशकुमार सिंहले आग्रह गरेका छन् । संघीय संसद्को संयुक्त बैठकलाई सम्बोधन गर्दै सांसद सिंहले पहिलेजस्तै विचारलाई निषेध गरिए देशमा पुनः सशस्त्र संघर्ष सुरु हुनसक्ने तर्फ सचेत गराएका हुन् ।
२०५१ सालमा दलहरूको दम्भले विचारलाई दमन गर्दा जनयुद्ध भएको स्मरण गराउँदै अहिले सोही दम्भ दलहरूमा देखिएको उल्लेख गरेका छन् । उनले यसअघि जनयुद्ध गरेर आएका नेताहरूलाई आफ्नो इतिहास नभुली सत्ताको खेलमा नलाग्नसमेत सुझाव दिएका छन् ।
उनले संसदीय समितिहरूमा सबैको प्रतिनिधित्व नगरिएकोमा आपत्ति जनाए । ‘समिति गठन गर्दा सबै विचारको प्रतिनिधित्व हुनुपर्छ, त्यो हुन सकेन,’ सिंहले भने, ‘म यसको घोर भर्त्सना गर्दछु ।’
