१६ अङ्कले बढ्यो शेयर बजार, कारोबार रकम भने घट्यो
थर्ड पोल
0
काठमाडौं । शेयर बजार नेप्से परिसूचक सोमबार १६.२९ अंकले बढेको छ ।नेप्से परिसूचक सोमबार ०.८० प्रतिशतले बढेर २ हजार ५३.३८ विन्दुमा उक्लिएको छ । आईतबार नेप्से १४.८३ अंकले घटेर २ हजार ३७।०९ विन्दुमा झरेको थियो ।नेपाल स्टक एक्सचेञ्जका अनुसार सोमबार २ अर्ब ९९ करोड ९९ लाख रुपैयाँ बराबरको ७१ लाख ६५ हजार कित्ता शेयर दोस्रो बजारमा कारोबार भएको छ ।
आज फाइनान्स र म्यानु एण्ड प्रो समूहको उपसूचकबाहेक ११ वटा उपसूचक धनात्मक भएका छन् । सबैभन्दा बढी बैंकिङ समूहको उपसूचक २.०४ प्रतिशतले बढेको छ भने विकास बैंक समूहको उपसूचक १.३१ प्रतिशतले बढेको छ । अन्य समूहको उपसूचक १ प्रतिशत कमले बढेका छन् ।आज १७६ कम्पनीको शेयर मूल्य बढ्दा ६० कम्पनीको मूल्य घटेको छ भने ११ कम्पनीको मूल्य स्थिर छ ।
