वीरगन्जमा एमाले र लोसपाबीच चुनावी तालमेल
Admin@Thirdpole 
वीरगञ्ज महानगरपालिकामा नेकपा एमाले र लोकतान्त्रिक समाजवादी पार्टी (लोसपा)ले चुनावी गठबन्धन गरेका छन्। तालमेलअनुसार महानगर प्रमुखमा एमालेबाट र उपप्रमुख लोसपाबाट उठ्ने भएका छन्।
दुवै पार्टीका नेताहरूले आज बिहान वीरगञ्जमा संयुक्त पत्रकार सम्मेलन गरी चुनावी गठबन्धन भएको जानकारी दिएका हुन्। पत्रकार सम्मेलनमा एमालेका नेता रघुवीर महासेठ, लोसपाका नेता लक्ष्मणलाल कर्णलगायत सहभागी थिए। तालमेलसम्बन्धी सम्झौता पत्रमा नेकपा एमाले पर्सा जिल्ला अध्यक्ष जयप्रकाश थारु र लोसपा जिल्ला अध्यक्ष पुरुषोत्तमलाल झाले हस्ताक्षर गरेका छन्।
सत्ता गठबन्धनको तर्फबाट वीरगञ्ज महानगरपालिकाको मेयर जनता समाजवादी पार्टी (जसपा) र उपमेयर नेपाली कांग्रेसको भागमा परेको छ। तर तालमेलप्रति जिल्लाका कांग्रेस नेता तथा कार्यकर्ताले असन्तुष्टि जनाएका छन्।
