लुम्बिनी विकास बैंकद्वारा लाभांश घोषणा, नगद र बोनस कति ?
थर्ड पोल
0
काठमाडौं । लुम्बिनी विकास बैंकले आफ्ना लगानीकर्तालाई ८.५० प्रतिशत लाभांश वितरण गर्ने भएको छ । आज बिहान बसेको सञ्चालक समितिको बैठकले आव २०७९–८० को नाफाबाट ४ प्रतिशत बोनस शेयर र ४.५० प्रतिशत नगद लाभांश प्रस्ताव गर्ने निर्णय गरेको हो ।
बैंकले लगानीकर्तालाई ४.५० प्रतिशतका दरले हुन आउने १५ करोड २२ लाख २६ हजार रुपैयाँ नगद लाभांश र ४ प्रतिशतका दरले १३ करोड ५३ लाख १२ हजार रुपैयाँ बराबरको बोनस सेयर दिने छ ।
बैंकको सञ्चालक समितिले गरेको लाभांश वितरणको प्रस्ताव नेपाल राष्ट्र बैंकले स्वीकृत गर्नुपर्ने छ । यस्तै, बैंकको आगामी वार्षिक साधारण सभाले समेत पारित गर्नुपर्ने छ । गत वर्षको असार मसान्तसम्मको अवधिमा बैंकको चुक्ता पुँजी ३ अर्ब ३८ करोड २८ लाख रुपैयाँ छ ।
