सिराहाका दुई क्याम्पसमा विद्यार्थी नेविसंघ विजयी

सिराह, सिराहा सदरमुकामस्थित सूर्यनारायण सत्यनारायण मोरवैता यादव बहुमुखी क्याम्पसको स्ववियुमा नेपाल विद्यार्थी संघ नेविसंघको प्यानलै विजयी भएको छ ।सभापतिमा नेविसंघका पृथ्वी कुमार यादव विजयी भएका हुन् । उनले एक सय ७८ मत ल्याएर विजयी हुँदा उनका निकटतम प्रतिस्पर्धी संयुक्त विद्यार्थी मोर्चाका सभापति उम्मेदवार विवेक कुमार मण्डलले एक सय १० मत मात्र पाए । सचिवमा रमेश कुमार यादव र कोषाध्यक्षमा राम यादव निर्वाचित भएका छन् ।सदस्यहरूमा नेविसंघकै उपेन्द्र कुमार गुप्ता, राधिका कुमारी मण्डल, कञ्चन पासवान, आरती कुमारी मण्डल, अजिता कुमारी यादव, विशाल यादव र मनिषा कुमारी यादव निर्वाचित भएका छन् । स्ववियू सभापतिमा नेविसंघका रोहित राउत विजयी भएका हुन् । उनले पाँचसय ७५ मत ल्याएर निकटतम प्रतिस्पर्धीसँग एक सय ४४ मतान्तरले विजयी भएका छन् । निकटतम प्रतिस्पर्धी अनेरास्ववियूका सभापति उम्मेदवार मनिष चौधरीले चारसय ३१ मत ल्याए । विद्यार्थी जनमत संघ, समाजवादी विद्यार्थी यूनियन, अखिल क्रान्तिकारी र अनेरास्ववियू एसको संयुक्त मोर्चाबाट सभापति उम्मेदवार बनेका ललित यादवले मात्र ९७ मत पाएका छन् ।