साहित्यकार प्रधानका सादृश्य विम्ब कथासंग्रह र लेखान्त नाटक लोकार्पण

साहित्यकार प्रधानका सादृश्य विम्ब कथासंग्रह र लेखान्त नाटक लोकार्पण

काठमाडौं । साहित्यकार नवीन प्रधानद्धारा रचित सादृश्य विम्ब कथासंग्रह र  लेखान्त नाटक दुई कृति लोकार्पण गरिएको छ । आज नेपाल प्रहरीका महानिरीक्षक बसन्त बहादुर कुँवरले सो पुस्तक विमोचन गरेका हुन् ।पुस्तक विमोचन गर्दै नेपाल प्रहरीका महानिरीक्षक बसन्त बहादुर कुँवरले प्रहरी जीवन सबै भन्दा व्यस्त हुने बताए । 

उनले  भने, ‘पेसागत व्यस्थताका साथसाथै गरेका अनुभवका कुराहरुलाई कृतिमार्फत प्रस्तुत गर्न  निकै गाह्रो हुन्छ,  समाजमा अपराध नियन्त्रण र  शान्ति सुरक्षा कायम  गर्दै आम नागरीकमा प्रहरी सेवा जस्तो अति नै व्यस्त कार्यशैलीमा रहँदारहँदै  पनि साहित्य एवम कलाकृति लेखनमा समेत योगदान दिएर  समय  निकाल्न सफल भएकोमा आजका श्रष्ठाको महत्वपूर्ण  भूमिका छ ।’साथै, उनले साहित्य लेखन एउटा आफैंमा कठिन विषय भएको बताए । उनले साहित्य पुस्तक लेख्दा ज्ञान, क्षमताका साथै धैर्यताको पनि उत्तिकै आवश्यकता हुने  बताए ।