नेपाली सिनेमा संसारतर्फ ‘प्रदीप’ जलेको दिन

काठमाडौ. । नेपाली सिनेमा क्षेत्रका लागि यो वर्ष एक ऐतिहासिक क्षण बनेको छ, जब नेपाली चलचित्र एक्लो को टोलीले कान्स चलचित्र महोत्सव २०८२ मा भव्य सहभागिता जनायो। फ्रान्सको समुद्री किनारमा आयोजना हुने यो विश्वप्रसिद्ध महोत्सवमा अभिनेता प्रदीप खड्का र निर्देशक प्रदीप शाही ले रातो कार्पेटमा सहभागिता जनाउँदै नेपाली चलचित्र क्षेत्रलाई अन्तर्राष्ट्रिय स्तरमा प्रतिनिधित्व गरे।

चलचित्र एक्लो ले कान्स चलचित्र बजार (मार्शे द्यु फिल्म) मा पहिलो पटक नेपाली चलचित्रको तर्फबाट आफ्नै स्टल स्थापना गरेर अर्को कीर्तिमान राखेको छ। उक्त स्टलमार्फत चलचित्र अन्तर्राष्ट्रिय बिक्रीका लागि वितरणकर्ता, बिक्री एजेन्टहरू तथा निर्माताहरूसँग वार्ता भइरहेको जानकारी दिइएको छ।

यसअघि, वि।सं। २०७९ मा आयोजित ७५औँ कान्स चलचित्र महोत्सव मा नेपाली अभिनेत्री सुरक्षा पन्त ले रातो कार्पेटमा हिँडेर इतिहास रचेकी थिइन्। उनले अभिनय गरेको इटालियन–बेल्जियन चलचित्र ‘दि एट माउन्टेन्स’ ले पाल्म द’ओर को मुख्य प्रतिस्पर्धामा स्थान पाएको थियो। उक्त चलचित्रको केही छायांकन नेपालको मनाङ क्षेत्रमा गरिएको थियो। त्यस्तै, नेपाली चलचित्र ‘लोरी’ पनि सोही वर्ष कान्समा प्रस्तुत गरिने पहिलो नेपाली चलचित्र बनेको थियो।

यो सन्दर्भमा, अघिल्लो वर्ष सुरक्षा पन्त को कान्स उपस्थिति र यस वर्ष एक्लो टोलीको सहभागिता सँगै नेपाली कलाकार र चलचित्रहरूलाई अन्तर्राष्ट्रिय महोत्सवमा स्थान दिन थालिएको संकेत देखिन्छ।

यस प्रकारको सक्रियता नेपाली सिनेमाका लागि अत्यन्त सकारात्मक संकेत हो। यसले सिर्जनशीलता, मौलिकता, र नेपाली कथाहरूलाई विश्व दर्शकसामु पुर्याउने नयाँ ढोका खोलिदिएको छ। नेपाली कलाकारहरू अब केवल राष्ट्रिय सीमामा सीमित नरही, अन्तर्राष्ट्रिय सिनेमाको केन्द्रमा आफ्नो उपस्थिति सुदृढ गर्दै लगेका छन्।