रूस र युक्रेनमा इमर्जेन्सी वार्निङ सिस्टममा साइबर आक्रमण
थर्ड पोल
रूस र युक्रेनले आफ्ना इमर्जेन्सी वार्निङ सिस्टममा साइबर आक्रमण भएको दाबी गरेका छन्।
ह्याकर्सले दुवै देशका नागरिकलाई फर्जी अलर्ट पठाएका छन्। यसले केही समयका लागि मानिसहरूमा त्रासको स्थिति पैदा गरेको छ। यी सन्देशहरूमा रेडिएसनको खतरा र परमाणु आक्रमण जस्ता चेतावनीहरू दिएका थिए। रूसको आपतकालीन मन्त्रालयले उसका अलर्ट एपमा ठूलो परिमाणमा साइबर आक्रमण भएको बताएको छ।
मन्त्रालयका अनुसार यो आक्रमणको माध्यमबाट ह्याकरले गलत सूचनाहरू पठाउन सक्थे। तर मन्त्रालयले देशको सार्वजनिक अलर्ट सिस्टम नर्मल तरिकाले काम गरिरहेको स्पष्ट गरेको छ। युक्रेनको एयर रेड वार्निंग एपबाट पनि कथित साइबर आक्रमण पछि फर्जी चेतावनीहरू पठाउने गरेको कुरा बाहिर आएको छ।
युक्रेनको सेन्टर फर स्ट्रटेजिक कम्युनिकेशन्सले यो साइबर आक्रमणका लागि रूसलाई जिम्मेवार ठहराएको छ। यो संगठनले सोशल मीडिया प्लेटफर्म एक्समा एक पोस्ट साझा गर्दै युक्रेनको एयर रेड एपमा देखिने केही अलर्टका तस्बिरहरू पनि जारी गरेको छ।
